اشياء عبيطه - 3



وتستمر السلسة ، نأتي لكم اليوم بموضوع جديد الصراحة ليس من تصويري لكن اثناء تصفحي وزيارتي اليومية لمنتدى كورة ليبية قابلتني هذه الصورة في هذا الموضوع :

لست متاكد بالتمام لكن حسب خبرتي انه من اساسيات الرياضة توفير سيارة اسعاف او نقّالة -اضعف الايمان- في ميدان كرة القدم ، لكن ما نشاهده في الصورة لا ادري كيف يمكن التعليق عليه ، شخصيا اجد يداي مكبلتان امام هذه الصورة وساكتفي بنقل تعليقات بعض زوار المنتدى :

عاشق عمر المقاتل :
الله اكبر
والله العظيم انصدمت من اللقطة قعدت مشوار واني نشوفلها ، حني وين 1910 والا 2010 والا اني غالط مش فاهم بالزبط
وقالك يبو كاس العالم ، اقسم بالله بعد الصورة هادي فيه حاجات هلبة تغيرت عندي 180 درجة
حسبي الله ونعم الوكيل فيكم يالي اختفت عندكم الوطنية على بلادكم ، البلاد امانة في رقبتكم لعبتو فيها زي ما تبو وحتتحاسبو اشد حساب لخيانة الامانة
ملك المربوعة:
السؤال اللي يطرح نفسه ان شاء الله مش جماعة الدعم عاطيينه فلقة بس
اعتقد ان سيارة الاسعاف المفروض النادي يوفرها
يوم من ايام بيزان:
المفروض الملعب هذا ايسكروه ولا ايفجروه مرة وحدة
Prince OF World:
القوي في الموضوع الحراسات على سيارة الاسعاف بش ميجي حد قدامه وهوا مسرع شكرا رجال الامن العام على المجهودات المبدولة
الليدو:
أكيد تدنيب حسب ما تقول الصورة مع وجود الهراوات و رجال الدعم !!!