الفرسان الأربعة - خربتو هالجمهورية




ما حدا شرعي غير الشعب وغيرو ما في شرعية
حاجي خناق بيكفي لعب خربتوها الجمهوريـــة
...
حكمتو بلاد وإنتو ولاد وما عرفتو حكمتو البلاد
حرقتو مسّين العباد وهجّرتو اللبنانية
...
كل واحد عامل دستور وزورتو بنود الدستور
لك الله يرحم الدستور بها الندوة النيابية
شو ذنب الشعب المسكين تايتحملكن اسنين
والله لو رحتو ع الصين قسمتوها شي ميه
 ...
وكذبتو علينا ليل نهار وكرمالا الحاله بتنهار
 سياسة ولاد صغار هالسياسة الكيدية
...
حرقتو البلد قتلتو الناس لا ناموس و لا احساس
ولك اصلا انتو من الاساس مكشوفي الهوية
...
ومافي غير الاعاجيب تشفي هالبلد العجيب
بتلتفوا خلف الغريب وانتوا اصل الخبرية
عن رايك مابترضى تحيد ياهالسياسي العنيد
ورسنك مدري بايا ايد مخبا بدولة مخفية
 ...
غنينا الزعما فلو وعن ظهر الشعب حلو
 تاري الزعما اللي ضلو واللي فلو اللبنانية
قلنا شرشحتو البلد
شرشحتو اسم البلد
قلتو عني هالولد عامل هوني غنية .
...
تاري صاير هالبلد لاحق غنية ولد
شعبي يا اجمل ولد
عم يشتمكن ليلية
يظهر انتو كتير بعاد
تكونو من اللبنانية
بيكفي خناق بيكفي لعب خربتو هالجمهورية
...
وخربتو هالجمهوريــــــــــــــــــــــــــــــــة

ليست هناك تعليقات:

إرسال تعليق

بسم الله الرحمن الرحيم ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )